സിലയിലും ജയിലിലും :: :: :::അബുദാബി ഖാലിദിയ, ഞാൻ താമസിക്കുന്ന റൂം, കൂടുതങ്കീൽ മമ്മദ്ക്കയും റഹ്മത്ത്ക്കയും ചില വെള്ളി ആഴ്ചകളിൽ വിസിറ്റ് വരും. ഞാൻ ചില വിസ നിയമത്തിൽ കുടുങ്ങി ക്യാൻസലാക്കി നാട്ടിൽ വരാൻ പെട്ടിയും സാധനങ്ങളൊക്ക വാങ്ങി റെഡി ആയി എന്തു വേണമെന്ന് ആലോചിച്ചു ബൈനഹുമയിൽ........... റഹ്മത്തക്കയും കമാല്ദീനിക്കയും കാൻസൽ ആക്കി നാട്ടിൽ പോവാൻ ഉപദേശിക്കും. ജയിലിൽ കിടന്നു കഷ്ടപ്പെടണ്ട എന്ന് കരുതിയിട്ടാണ്.. പക്ഷെ കൂടുതങ്കീൽ മമ്മദ്ക്കൻറെ നിസാരമായ ഒരു പരാമർശം എന്റെ ജീവിതത്തിലെ പുതിയ ദിശ നിർണയിച്ചു,,, "നീ ഏടെ യെങ്കിലും പോയി ജോലി കിട്ടുമോന്ന് നോക്ക്, വിസ ഇല്ലത്തതിന് പോലീസ് പിടിച്ചാൽ ജയിലിൽ കിടക്കണം. ജയിലിൽ നിന്ന് കൊല്ലുക യൊന്നും ചെയ്യൂല്ല.. നാട്ടിൽ പോയിട്ട് എന്തു ചെയ്യാൻ?? ""ആ വാക്ക് എനിക്ക് പ്രേരകമായി.. മുസഫ്ഫയിൽ ഒരു ജോലി യുണ്ട് എന്ന് കൂടുതങ്കീൽ മുസ്തഫ പറഞ്ഞതനുസരിച് വിസയില്ലാതെ ജോലിക്ക് ജോയിൻ ചെയ്തു.. കുറച് മാസം ജോലി ചെയ്തപ്പോൾ ആ കമ്പനിക്ക് പ്രൊജക്റ്റ്‌ നഷ്ടപ്പെട്ടു. എനിക്ക് ജോലിയും ... . സിലയിൽ പണിയില്ലാത്ത പണി ഉണ്ടെന്ന് ഹഫീദ് അറിയിച്ചു.. പക്ഷേ സിലയിൽ പ്രവേശിക്കണം എങ്കിൽ പോലിസ് ചെകിങ് കഴിയണം. എനിക്ക് വിസയില്ല. മഹ്‌റൂഫ്ക്കാ വിളിച്ചു പറഞ്ഞു ധൈര്യമായി ബസ്സിൽ കയറി വാ.... ഞാൻ സിലയിലേക്ക് ടിക്കറ്റ് എടുത്തു. ബസ്സ് മുന്നോട്ട് നീങ്ങി.. സമുദ്ര നിരപ്പിന് സമമായി നിൽക്കുന്ന സില യോടടുക്കുംതോറും കാറ്റിന്നു ഡെന്സിറ്റിയും എനിക്കു ടെൻഷനും വർധിച്ചു.. പടിഞ്ഞാറേ അതിർത്തിയിൽ എത്തി ഗേറ്റ്ൽ ബസ് നിർത്തി. അബ്ദുൽ ഡൗ എന്ന സുഡാനി പോലീസ് ബസിൽ കയറി രണ്ട് മൂന്നു പേരുടെ ബതാക ചെക് ചെയ്തു ഇറങ്ങി പോയി. കസ്റ്റംസിൽ മഹ്‌റൂഫ്ക്കാ കാത്തു നിൽക്കുന്നുണ്ടായിരുന്നു.. അത്ഭുതം ആണ് ജീവിതം.. അകത്തും പുറത്തും പോകാൻ വിസ നിത്യേന ചെക്ക് ചെയ്യുന്ന സ്ഥലത്തു വിസയില്ലാതെ ധൈര്യപൂർവം താമസിച്ചു.. കുറുക്കൻറെ കൂട്ടിൽ കോഴിക്കുഞ്ഞിനെ പോലെ ഏത് നിമിഷവും അകത്താകാം.. മഹ്‌റൂഫ്ക്കാന്റെ ഒരേ ഒരു ബലത്തിൽ ആയിരുന്നു അവിടെക്കഴിഞ്ഞ നാളുകൾ.. അവിടെന്നു എല്ലാ കുഴപ്പത്തിലും, ഞാൻ ചെന്ന് ചാടും.. വിസ ഉള്ളവരേക്കാൾ അഹങ്കാരത്തോടെ.. അജ്‌ലാൻ ദീബാൻ ആൽമൻസൂരിയുടെയും ഭാര്യയുടെയും പിന്തുണ... ജോലി ഒന്നും ഇല്ല. ഒരു ഫോട്ടോ കോപ്പി മെഷീൻ, ഒരു പോളറോയ്ഡ് കാമറ.. പാസ്സ് പോർട്ട്‌ ഓഫീസിൽ യാത്രക്കാർക്ക് കോപ്പി ആവശ്യം വന്നാൽ കോപ്പി എടുത്തു കൊടുക്കുക. മഹ്‌റൂഫ്ക്കാ പറഞ്ഞു നിന്റെ ഭാഗ്യം പോലെ, ആദ്യം ഒക്കെ നാലോ അഞ്ചോ ദിർഹം മാത്രം. ഭക്ഷണതിന്ന് തികയില്ല.. മഹ്‌റൂഫ്ക്ക ഭക്ഷണം തരും.. തുടരും

Comments

Popular posts from this blog

പണത്തിനു വില കുറയുന്നു :ഗൾഫ് പണം ജന്മിത്വം തുടച്ചു നീക്കി. മൂല ധനത്തിൽ നിന്നുള്ള വരുമാനത്തെ മറികടക്കുന്ന രീതിയിൽ തൊഴിലിൽ നിന്നുള്ള വരുമാനം വർധിച്ചു. ഈ അവസ്ഥ തൊഴിലെടുക്കുന്നവരെ പ്രമത്തരാക്കുകയും തൊഴിൽ ചെയ്യാതെ മൂല ധനവും പിടിച്ചു നിന്നവരെ പെട്ടെന്ന് പാവങ്ങളാക്കുകയും ചെയ്തു... രൂപ, ദിർഹത്തിന്റെ മുമ്പിൽ കടലാസ് കഷ്ണം മാത്രം ആയി.. ദിർഹം കൈവന്നപ്പോൾ മകൻ ഉപ്പയായി... മരുമകൻ കാരണവർ ആയി..തത്വജ്ഞാനികൾ അമ്പരന്നു.. അല്ലാഹു കാലത്തെ അട്ടിമറിച്ചു.. ഒന്നും പഠിക്കാത്ത അറബിക്ക് വേണ്ടി എല്ലാ ടെക്നോളോജിക്കാരും" q" നിന്നു. ടാർജറ്റ് വെച്ച് പ്ലാൻ തയാറാക്കുന്നവർ ഭാഗ്യത്തിലും വിധി യിലും വിശ്വസിക്കേണ്ടി വന്നു. മൂല്യങ്ങൾക്കു രൂപ പോലെ വില ഇടിഞ്ഞു.... അറിവ്, കെട്ടിടങ്ങൾക്കു വഴിമാറി. പ്രകാശ ഗോപുരമായ കുഞ്ഞീക്കാക്ക കോൺഗ്രീറ്റ് ഗോപുരങ്ങളിൽ നിന്നു മാറി നിന്നു.. ദിർഹത്തിന്ന് ഇക്കാക്കയെ വിലക്കെടുക്കാൻ ആയില്ല,മാറ്റത്തിന് മാറ്റ മുണ്ടായില്ലെങ്കിലും ഇക്കാക്ക കാലത്തിനെതിരെ സാക്ഷിയായി

കാലത്തിന്റെ കാലൊച്ചകൾക്കു സാക്ഷിയായ ഒരു ഷെൽഫ് . പൊക്കന്റെ വളപ്പിൽ നിന്നു കൊണ്ട് hവന്നു കയ്യങ്കോട്ട് സൂക്ഷിച്ചത്. രേഖകളും ഫയലുളും ഒരു പാട് ഇതിൽ സൂക്ഷിച്ചു വെച്ചിരിക്കാം. ഇന്ന് വെറും പൊള്ള..

കുഞ്ഞീക്കാക്ക 1991 സെപ്റ്റംബർ 19ന് എന്റെ വീട്ടിന്നു കട്ടില വെച്ചു.. ഡയറി യുടെ അന്നത്തെ പേജ് താഴെ..കോര് വല പോലത്തെ പറമ്പ്, ഇൻസ് അല്ലാത്ത പല ജീവികളും പോകുകയും വരികയും ചെയ്യുന്നതിനാൽ ആരും വാങ്ങാത്ത മുപ്പതു സെൻറ്.... ഉമ്മർ ഹാജി ക്കയും കേളോത് മൊയ്‌ദീൻ ഹാജിക്കയും ചേർന്ന് ഒരു ഹീറോ പെന്നോ മറ്റോ കൊടുത്തു വാങ്ങി. അപ്പോൾ ആണ് ഞാൻ മുണ്ടേരിയിലെത്തുന്നത്.. ഞാൻ ഒരു പതിനഞ്ചു സെന്റ് ചിറക്ക് പകരം അത് വാങ്ങി. പുരക്ക് തറ കെട്ടി. ഇക്കാക്കാന്റെ കൈ കൊണ്ട് കട്ടില സ്ഥാപിച്ചു.. എവിടെ ആണ് ഭൂഗോളത്തിൽ നമുക്ക് താവളം ആവുന്നത് എന്നത് ഭൂമി യിലെ ജീവിത വ്യവസ്ഥയു മായി അല്ലാഹ് ബന്ധപ്പെടുത്തിയിരിക്കുന്നു. നല്ല വീട്, നല്ല അയൽ വാസി, നല്ല ഭാര്യ, ഒരു വാഹനം ഇവയൊക്കെ അപൂർവ മായി മാത്രം ഒത്തു കിട്ടുന്ന ഭാഗ്യങ്ങൾ ആണ്.. അയൽവാസി ശല്യക്കാരനായാൽ തീർന്നു സമാധാനം.... സ്വർഗം ഭൂമിയിൽ ലഭിച്ചവരാണ് നല്ല ഭാര്യയെ കിട്ടുന്നവർ.. നാട്ടിലെ പൗര ത്വത്തിൻറെ ആദ്യ സ്റ്റാറ്റസ് ഒരു വീട് ആണ്. സഞ്ചരിക്കാൻ ഒരു കുതിരയോ ഒട്ടകമോ ഇല്ലെങ്കിൽ നഗ്ന പാദനായി അന്തസ് പോയി പോവും..